LAOAG CITY – Inpannakkel ni US President Donald Trump nga immanamong ti Thailand ken Cambodia a lippasen ti gubat.
Daytoyket kalpasan ti pannakisarita ni Trump kadagiti lider ti dua a pagilian.
Segun ken ni Trump, nasayaat ti saritaan da Thai Prime Minister Anutin Charnvirakul ken Cambodian Prime Minister Hun Manet.
Nagtunos dagiti dua a lider iti dagus a ceasefire ket agsubli iti katulagan.
Inbatad na a nakasagana ti dua a pagilian a mangitandudo iti kapya ken mangituloy manen ti trade iti US.
Maipalagip a nagpakaasi ti Thai Prime Minister ken ni Trump a gutiguten ti Cambodia a mangitungpal ti ceasefire.
Manipud idi Hulio, nagtultuloy ti pinnutok ti Cambodia ken Thailand iti border da.
