LAOAG CITY – Indauloan ni Governor Matthew Marcos Manotoc ti pannakaiyuswat ti Capitol Express (CepEX) a maysa kadagiti programa iti gobyerno probinsyal para kadagiti umili iti ili ti Pagudpud.
Babaen ti nasao nga aktibidad, naipaay dagiti nagduduma a tulong kas iti Kadiwa on Wheels ken pannakaipaay kadagiti masapul dagiti mannalon, senior citizen ken dagiti ubbing.
Nakaawat dagiti maseknan ti medicines, agricultural inputs, ken livestock supplements, para met kadagiti senior citizens ket adda ti naipaay a wheel chair, sarrukod, ken antiyokos.
Naibunong pay dagiti nagduduma a makan ken school supplies kadagiti daycare pupils manipud iti nagduduma a barangay iti nasao nga ili.
Iti babaen met ti Kadiwa Program, nabunungan dagiti agtagikua ti sari-sari store iti COVID-19 Recovery Assistance kas iti grocery items.
