LAOAG CITY – Inpetteng ni defense lawyer Nicholas Kaufman a ti panangusar ti termino nga “high-value target” (HVT) iti prosecution brief kontra ken ni dati a Presidente Rodrigo Duterte ket saan a pammaneknek ti maysa a naplano a panagpatay.
Segun ken ni Kaufman, ti HVT ket maysa nga operational classification laeng nga us-usren ti law enforcement tapno establisaren dagiti prayoridad iti anti-drug operations, ken saan a maipagarop a “code” tapno ibilin ti panagpapatay.
Kuna na nga ado dagiti operasyon kontra kadagiti maibilang nga HVT a nagtungpal iti pannakaarestar, nupay adda met ti sumagmamano a nagresulta iti pannakatay gapu iti engkwentro.
Innayon ni Kaufmann a masapol a tingitingen a saggaysa ti tunggal insidente ken saan nga umdas nga ikonektar ken ni Duterte maibasar laeng iti classification wenno testimonya dagiti insiders.
