LAOAG CITY – Manamnama iti pannakaipatungpal iti Career counseling online babaen iti Public Employment Service Office ditoy ciudad ti Laoag.
Segun kenni Ms. Shey Pia Abaya , mangidadaulo iti Public Employment Service Office ditoy ciudad, ti nasao a programa ket gagemna ti mangipaay ti pammagbaga kadagiti umili maipanggep iti panangpatibker iti bukod a bagi nga agsapol iti pagtrabahoan
Inbatad na nga ado dagiti indibidual a marigatan, ma-pressure nga agsapol ti trabaho wenno dagiti agresign ti trabaho gapu ta saan dan a kabaelan pay.
Kunana a maaramid ti nasao a prograna babaen iti zoom video wenno facebook live no sadinno addan to dagiti agbalin nga speakers.
Innayon na a ti opisina da ket saan laeng a mangidiaya iti trabaho no di ket tumulong pay kadagiti umili iti mental health da babaen iti nasao a programa.
