Naipamaysa itan ti atension ti World champion a ni Carlos Edriel Yulo iti panagsaganana para iti Paris Olympics.
Mainaiag iti daytoy, sibaballigi a nangabak ni Yulo iti uppat a balitok a medalya iti 2024 Asian Championships Men’s Artistic Gymnastics iti Tashkent, Uzbekistan.
Iti laksid ti panagkampania iti Asian meet, awan ti panggep ni Yulo a mangisardeng iti panagsanayna.
Gapu iti daytoy, ad-adda a naiget ti panagsaganana tapno maaddaan iti nasayaat a resulta iti maikadua a panagserbina iti Olympics.
Maipalagip a nangabak ni Yulo iti uppat a balitok a medalya iti Asian Championships kalpasan a nangdominar iti men’s individual all-around, vault, parallel bars ken floor exercise.
Nupay kasta,agsagsaganan ti Filipino gymnast para iti Paris Olympics gapu ta makisalip daytoy kadagiti world-class gymnasts.
Kabayatanna, naituding nga agsanay ni Yulo idiay Metz, France tapno masursuro na dagiti equipments a mausar iti Paris Games.
