LAOAG CITY – Inpakaammo ni Barangay Chairman Hector Cristobal, iti Brgy. Navotas-B ditoy siudad ti Laoag a naisublin ni SK Chairman Cristel Bartolome ti cash advance na nga 40 a ribo a pisos idi Disyembre 2019.
Inlawlawag na nga insubli ni Bartolome ti kuarta kalpasan nga adda ti reklamo a naipadanun iti DILG gapu ta kalikagum dagiti kagawad na a maamuan ti nakaipanan ti pondo.
Segun kenni Cristobal, saan a nalikidar nakausaran ti pondo ken naiwagat dagiti resibo gapu ti kaadu nga inubra ti SK ita a pandemiya.
Innayon na a nasayaat ken dimmalan iti prosesso ti panagcash advance ni Bartolome.
Mainaig iti daytoy, inlawlawag ni Bartolome a nausar ti pondo babaen ti panagpaaramid da ti jersey nga uniporme dagiti umaayam iti naiyuswat ti liga ti basketball idi Disyembre.
Nausar pay ti pondo a pinagpasweldo kadagiti nagtrabaho, ken naigatang ti meryenda.
Naamuan a mausar kuma pay ti pondo a pangalaan ti pagparemyo ngem adda dagiti nagbuluntaryo nga isuda ti mangted ti premyo dagiti mangabak iti liga rason a saan a nausar ti nabatbati a manipud iti 40 a ribo a pisos.
Kabayatanna, inlawlawag ni Ms. Janet Duarte, Local Government Operations Officer a masapul a malikidar ti nakausaran ti pondo ken agserbi a pagibasara da iti Annual Barangay Investment Plan.
Basar iti DILG, no bilang maukag ti Commission on Audit ti nagkurangan ti Sk chairman a pananglikidar ti nausar a pondo, ket possible a parikut na daytoy.
