LAOAG CITY – Kalikagum ni Sen. Imee Marcos a maipaay koma kadagiti umiso a benepisiario dagiti cash assistance ti gobierno kas ti Aid to Individuals in Crisis Situation wenno AICS ken saan a maapektaran iti maris pulitika.
Segun kenkuana, masapol a dagiti nasken a mabenepisiaran ket dagiti mannalon. estudiante, tricycle drivers ken dadduma pay nga ad-adda a naapektaran iti COVID-19 pandemic.
Inbatadna a maluksaw daytoy gapu ta adu dagiti manglaplapped iti pannakaaprobar ti pundo iti Makabasa Program-na.
Gapu iti daytoy, naruayen dagiti estudiante ti nagturpos ngem saanda man laeng a nabenepisiaran ti nasao a programa.
Kabayatanna, inpakaammo ni Sen. Marcos nga ita nga aldaw ket adda ti maiyuswat a pannakaibunong ti cash assistance kagiddan ti pannakaselebrar iti maika-67 a panagkasangay ti kabsatna a ni Pres. Ferdinand Bongbong Marcos Jr.
