LAOAG CITY – Sidadaan ti Sanguniang Bayan iti ili ti San Nicolas nga idadaulwan ni Vice Mayor Napoleon Hernando a makitinnulong iti local chief executive para iti pannakaipaay ti tulong kadagiti nagduduma a sector nga apektado ti panagngato ti presyo dagiti produkyo a petrolyo.
Segun kenni Hernando, madanaganda iti agtultuloy a gubat nangruna ti epekto na iti publiko rason a no ania man ti kalikagom ti Local Chief Executive nangruna ti pannakaiyalokar ti pondo para iti pannakaipaay ti tulong ket insigida a trataren iti konseho iti nasao nga ili.
Maipalagip nga addan ti uppat a lawas sipod nangrugi ti gubat iti Middle East a nangitunda ti panagngato ti presyo ti langis iti world market.
Gapu iti daytoy, masapol nga agaramid dagiti lokal a gobierno ti addang tapno matulongan dagiti nagduduma a sector ken dagiti umili.
