LAOAG CITY – Inbutaktak ni Catriona Gray a dimmalan daytoy iti liposuction.
Inbatad ti dati a Miss Universe, nakatulong daytoy tapno mapapigsa ti confidence-na.
Inruarna ti bidyuna iti online account-na kaduana ti celebrity doctor a ni Vicki Belo.
Kaduana pay iti bidyu ti padana a beauty queen nga isuda Michelle Dee ken Celeste Cortesi.
Kuna ni Catriona a ginandatna idin nga agpa-lipo iti likud ti takiagna ken ita ket toning ken tightening ti kalikagumna.
Mainaig iti daytoy, inadmitir met ni Cortesi a nagpa-lipo isuna sakbay a nagturong idiay Estados Unidos para iti Miss Universe pageant.
Naammoan a ni Michelle ket ti siketna ngem bassit a paset laeng.
Maipalagip a dagiti sumagmamano a local celebrities ti nangadmitir a nagpa-lipo kas kada Janella Salvador, Alodia Gosiengfiao ken Angeline Quinto.
Kabayatanna, ti liposuction ket maysa a klase ti cosmetic procedure a pangikkat kadagiti unwanted fats iti sumagmamano a paset ti bagi.
