LAOAG CITY – Inbatad ti opisyal ti Catholic Bishops’ Conference of the Philippines (CBCP) nga adda ti tiyansa ni Cardinal Luis Antonio Gokim Tagle a maelektaran kas baro a papa ti Catholic Church.
Kuna ni Catholic Bishops’ Conference of the Philippines director for broadcast Fr. Francis Lucas a dakkel ti namnama ni Cardinal Tagle a mangabak ngem ti Espiritu Santo ti agdesisyon.
Basar iti report, masansan a maawagan ni Tagle nga “Asian Francis” gapu ta agpada da ken ni Pope Francis ti commitment iti social justice ken no bilang isuna ti mapagasatan a maelektaran ket agbalin a kaunaan a pontiff manipod iti Asya.
Maipalagip a pimmusay ni Pope Francis idi Easter Monday gapu iti stroke ken irreversible heart failure iti tawen na a 88.
Iti pannakatay ni Pope Francis ket naka-schedule nga agbotos ti baro a papa dagiti cardinal nga awan pay ti tawen na a 80.
