LAOAG CITY – Mannarimaan ti panagsursur ti City Disaster Risk Reduction Management Office nga idadauloan ni Mr. Arvin Lumang, pakairamanan ti Bureau of Protection ken Philippine National Police iti siudad ti Batac kadagiti nagduduma a barangay iti nasao a siudad para iti naiget panagmonitor iti panaglako ti paputok para iti panagsarabo iti baro a tawen.
Segun kenkuana, napateg a mapalagipan dagiti umili ti natalged a paglakuan ken pagpaputokan iti panagsarabo ti baro a tawen.
Kinunana, nga iti agdama ket awan pay dagiti nagpapermit iti Business Permit Liscensing Office nga aglako iti nasao a siudad rason a naiget ti panangmonitor da kadagiti aglibas nga aglako.
Kabayatanna, nagpalagip daytoy nga iti open fields nga agpaputok kadagiti firecrackers tapno maliklikan ti aniaman a mapasamak nga insidente ken iti Brgy. Bungon partikular iti sango ti fisheries ti mabalin a paglakwan dagiti paputok.
