LAOAG CITY – Naibabawin ti naiserbi a Cease and Desist Order ti OMNICO Natural Resources, Inc. (ONRI) manipod iti Department of Environment and Natural Resources (DENR).
Daytoy ket kalpasan ti naisayangkat a joint evaluation ti DENR, PENRO Ilocos Note, CENRO Bangui Composite Team, gobierno municipal iti ili ti Sarrat ken gobierno probinsyal.
Naamoan nga awan iti naduktalan ti Composite Team nga irregularidad wenno linabsing ti OMNICO iti isaysayangkat da a panagquarry.
Basar iti resulta ti 2nd Quarter Multi-Partite Compliance Monitoring and Validation Report, naamoan nga agtungtungpal ti nasao a kumpanya iti nagduduma a monitoring ken validation parameters.
