LAOAG CITY – Inlippasen ti Boston Celtics ti first round playoffs-da kontra iti Miami Heat.
Daytoy ket kalpasan nga inabak ti Celtics ti Heat iti iskor nga 118-84 tapno magun-od ti 4-1 series.
Ti nasao a panagballigi ita ti Celtics ket arig panangsubbotda gapu ta inatiw isuda ti Heat iti Eastern Conference finals.
Agpada a nakairekord ti 25 a puntos da Jaylen Brown ken Derrick White.
Iti rugi pay laeng ti ay-ayam ket immarangkadan ti Boston ken saanen a nakakamakam pay ti Heat.
Sumaruno a makasango ti Celtics ti asinoman a mangabak iti nagbaetan ti Cleveland Cavaliers ken Orlando Magic.
