LAOAG CITY – Saan a mamati ni Ms Mylene Pascual, ti mangidadaulo iti City Environment and Natural Resources Office nga adda dagiti residente ditoy ciudad ti Laoag nga agar-aramat ti dinamita tapno usaren da nga agkalap.
Rakurak na daytoy kalpasan nga adda dagiti maipagarop nga opisyal iti Metro Gabu nga agar-aramid ken agus-usar ti dinamita.
Inpetteng na a nabayagen nga ammo dagiti residente kadagiti coastal areas ditoy ciudad a naiget a maipawil ti panagusar ti dinamita gapo ta malaksid a mabalin a pakairisgoan iti biag ti maysa a tao ket dakkel pay ti epekto na iti kabaybayan aglalo kadagiti ikkan.
Innayon na a dagiti opisyale ti barangay ti kangrunaan a katulungan da nga agmonitor ken mangtiliw kadagiti mangipatungpal ti illegal a panagkalap.
