LAOAG CITY – Naarestar ti maysa a billionaire founder ken CEO ti sikat a messaging app a telegram a ni Pavel Durov iti Bourget Airport idiay Paris.
Inyatnag ti France ti arrest warrant ken ni Durov kalpasan ti inwayat a preliminary investigation ti nasao a pagilian maipapan iti maipagarup a multiple scams ken pannakairaman daytoy iti panangiwaras ti biddot nga impormasion sipod idi rinaut ti Russia ti Ukraine.
Basar iti report manipud iti maysa a French commercial television network, ti app ni Durov ti maipagarup a kangrunaan a komunikasion ti Ukrainian President a ni Volodymyr Zelensky ken dagiti opisialna, daytoy pay ti us-usaren ti Russia tapno agiwaras ti impormasion maipapan iti gubuat isu a nagtalinaed ti nasao nga app kas kangrunaan a messaging app dagiti umili ti Russia pakaseknan iti agtultuloy a gubat iti nagbaetan ti dua a pagilian.
Maipalagip a ti nasao nga app ket kukua ni Durov a maysa met a Russian, timmalaw isuna idiay Russia idi 2014 kalpasan a nagkedked nga ilako ti user data iti gobierno ti Russia no sadinno na-ban ti nasao a messaging app iti Russia idi 2018 ken na-revised met idi 2021.
Inawagan met ni Russia’s representative to international organisations iti Vienna a ni Mikhail Ulyanov ken dadduma pay a kakaduana iti Russia ti panangtiliw ken ni Durov kas maysa a klase ti diktaduria iti karebbenganna ti tao.
Kabayatanna, nupay awan pay ti rakurak ti France iti nasao nga isyu ket gutgutiguten met ni Ulyanov dagiti kailianna nga agiwayat ti tignay protesta iti French embassies iti intero a lubong.
