LAOAG CITY – Balligi a nairubuat babaen ti Department of Health-7 ken Cebu City Health Department ti Cervical Cancer Elimination Campaign kabinnulig ti Jhpiego Philippines.
Gagem daytoy ti alisto a kasapulan a solbaren ti cervical cancer iti babaen ti panangliklik, nasapa a panangduktal ken panagpaagas.
Basar iti datos, nagtalinaed a maikadua iti kangrunaan a kanser para kadagiti babbai ditoy Pilipinas ken kangrunaan a mangitunda ti naruay a matmatay kadagiti babbai nga addaan ti Human Immunodeficiency Virus (HIV).
Kagiddan iti daytoy, nangisayangkat met ti Cebu City Health Department ti libre a cervical cancer screening services babaen ti Human PapillomaVirus DNA testing ken nairubuat pay ti pilot demonstration ti iSCerv a maysa a plataporma para iti cervical cancer screening ken panangkita kadagiti pasiente.
