LAOAG CITY – Agkidkiddaw ti lokal a gobierno ditoy ciudad ti Laoag iti cervical cancer vaccine iti Department of Health (DOH).
Daytoy ket iti babaen ti resolusyon nga inpasa ti Sang. Panlungsod nga inisyatibo ni Vice Mayor Carlos Fariñas.
Segun ken Fariñas, kalikagom na a magun-od ti sangagasut a porsiento ti immunization ditoy ciudad a kas iti ili ti Banna.
Innayonna a dakkel a tulong daytoy sipud ta naruay dagiti saan a makabael nga agpabakuna gapu iti kinarigat ti panagbiag.
