LAOAG CITY –Nangipaay ti Commission on Filipinos Overseas (CFO) ti all-in computer para iti alisto a pannaka-monitor kadagiti taga Laoag nga Overseas Filipino Workers (OFW).
Inpakaammo ni Ms. Shey Pia Abaya, ti mangidaulo ti Migrant Desk Office ditoy siudad ti Laoag.
Kunana a daytoy ket mausar para iti Balikbayan Program no sadinno nga adda ti pagturoganda a website link para iti alisto a pannaka-access dagiti impormasion ken no aniaman ti kayatda a maamoan.
Innayonna a ti programa ket pagbibinnuligan ti nagduduma a departamento kas kuma ti Public Employment Service Office (PESO), Migrant Welfare Desk, Information Technology, City Health Office (CHO), Planning, Business Licensing Office (BPLO), Social Welfare ken Community Affairs.
Kabayatanna mangnamnama daytoy nga iti babaen ti pannakaipatungpal ti programa ket maipasigurado nga adda met laeng ti kinatalged dagiti Overseas Filipino Workers (OFWs) a residente ditoy siudad ti Laoag.
