LAOAG CITY – Inbatad ti Department of Finance (DOF) a target-da a kissayan ti 2 a porsiento ti gastos dagiti Overseas Filipino Workers iti remitannces wenno dagiti kuarta nga ipalpatulod iti pagilian.
Daytoy ket babaen ti panangiyasideg ni Finance Secretary Go kadagiti global payment firms tapno mapalaka ti money transfers a mapan iti pagilian.
Naamoan a ti average fee iti agdama ket 6.3% basar iti World Bank.
Immunan nga inlungalong ni Go ti nababbaba a digital transaction costs, pakairamanan ti fees iti regular domestic payments. Idinto a sumagmamano a bangko ken digital wallets iti pagilian ti kinissayan wenno nangi-waive dagiti fees dagiti partikular a digital transactions.
Kabyatanna, inlungalong daytoy ti Department of Finance kalpasan ti panagbaba ti remittances dagiti overseas Filipino workers iti three-month low iti $3.03 billion idi Agosto, basar iti Bangko Sentral ng Pilipinas. Idinto nga umabot iti $23.42 billion ti cumulative remittances iti umuna a walo a bulan ita a tawen.
