LAOAG CITY – Kalikagum ti Department of Finance ti pannakaipatungpal ti excise tax kadagiti ice cream, frozen yogurt ken dadduma pay nga edible ices tapno mapalawa ti coverage ti pagilian kadagiti sweetened beverage tax.
Iti salinong ti ilunglungalong ti Department of Finance, dagiti edible ice, pakairamanan dagiti dairy ken plant-based ice creams ken ice milk; water-base a yelo kas iti sorbetes ken ice lollies; ken dagiti flovored ken awan ti flavor-na a frozen yogurts ket mapatawan ti sweetened beverage tax.
Malaksid kadaytoy, ikonkonsiderar pay ti ahensia ti pannakaikkat ti exemption ti 100% natural fruit juices ken 100% vegetable juices nga awanan ti added sugar-na gapu ta dagiti nasao a produkto ket saan a paset daytoy ti excise taxes babaen iti Tax Reform for Acceleration and Inclusion Law wenno TRAIN Law.
Kabayatanna, ti nasao a proposal ket paset ti kalikagum ti DOF a ProGRESS bill wenno ti Promoting Growth, Revenue, and Equity towards Socio-Economic Sustainability.
Mainaig iti daytoy, maipalagip nga idi maika-lima nga State of the Nation Address (SONA) ni President Ferdinand “Bongbong” Marcos, binilinna dagiti agpanpanday linteg nga ipangatoda ti personal income tax exemption ceiling iti P350,000 iti kada tawen manipud iti agdama a P250,000.
