LAOAG CITY – Nakagun-od ti gobierno ti Pilipinas, partikular ti Department of Finance (DOF), ti loan financing nga agdagop 212.7 million euro wenno P14.98 billion manipud ti World Bank International Bank for Reconstruction and Development (WB-IBRD) para iti pannakapasayaat ti water security, supply, ken sanitation kadagiti vulnerable a lugar iti pagilian.
Inbatad ti Department of Finance (DOF) a ti official development assistance (ODA) financing ti mangsuportar iti Accelerated Water and Sanitation Project in Selected Areas (AWSPSA) nga iyimplemetar ti Department of Public Works and Highways (DPWH) ken ti Department of the Interior and Local Government (DILG).
Ti Accelerated Water and Sanitation Project in Selected Areas (AWSPSA) ket gagemna ti mangsolbar ti water security ken disinfection challenges kadagiti nakurapay ken vulnerable a lugar tapno mapasayaat ti water supply and sanitation (WSS) services para ti economic growth ken maliklikan ti environmental risks manipud ti water scarcity.
