LAOAG CITY – Patien ni Atty. Neri Colmenares, ti chairman iti Makabayan Partylist a saan a naikkan ti waya ti ABS-CBN nga isalbar na ti prangkisa na.
Daytoy ket kalpasan a saan a pinatgan ti House Committee on Legislative Franchise ti pannakaipabaro ti prangkisa ti ABS- CBN Broadcasting Corporation.
Segun ken ni Colmenares inekspektar na ti saan a pannakaipabaro ti prangkisa ti ABS-CBN.
Nu pay kasta, kuna na a naklaat iti kellaat a pannakaipasa ti resolusyon seknan iti pannakaibasura ti prangkisa iti nasao a network.
Inbatad na a ti resulta ti botos iti nasao a resolusyon a nagresulta ti 70-11 a botas ket mangipakita laeng a naiget ti panangsurot dagiti agpanpanday linteg iti immunan a rakurak ni Presidente Rodrigo Duterte a saan nga agballigi ti prangkisa ti ABS-CBN.
Mainaig iti daytoy, kuna ni Colmenares nga immunan nga awan ti nakita nga ebidensya seknan iti pananglabsing ti network kadagiti pagganurutan ti linteg isut gapu na nga adda ti panangkwestyunar na iti alisto a pannakaibasura ti prangkisa ti network.
Nu pay kasta, kuna na a dagiti laeng posible nga addang a mabalin nga ubraen ti ABS-CBN tapno maikkan ti tyansa ti prangkisa ket mangipila ti motion for consideration kadagiti nagbutos wenno uliten ti mangipila ti prangkisa para iti network.
Maipalagip nga immunan a nagsardeng ti operasyon ti network idi Mayo 5 gapu iti panag expire ti prangkisa na ken iti inparuk-at nga ceast and desist order ti National Telecommunications Commission.
Karaman pay a naipasardeng ket ti operyson iti ABS CBNi iti digital TV transmissions of Sky Direct ken TV Plus programs.
