LAOAG CITY – Pormalen nga insubmitir ti dati nga Ilocos Sur governor Chavit Singson iti Commission on Elections (COMELEC) ti withdrawal na para iti kandidatura kas Senador.
Segun ken Singson, lima nga aldaw na a pinagpanunutan ti desisyon na para iti daytoy.
Kunana nga uray saan nga agpaelektar isuna kas Senador ket agtultuloy latta ti ipaay na a tulong kadagiti transport group, partikular dagiti jeepney drivers, iti babaen dagiti programa na.
Patien na nga uray awan isunan iti posisyon ket makatulong latta iti pagilyan.
Kunana a kalikagom na ita ti salun-at na.
Maipalagip nga Enero 12 idi pormal nga inanunsiyo ni Singson ti panagsanud na kas Senador iti mapaspasangasangan a 2025 midterm elections.
