LAOAG CITY – Nagballaag ti House blue ribbon panel nga arestaren ni Atty. Zuleika Lopez, Chief of Staff ni Vice President Sara Duterte no saan pay laeng nga agatendar iti agtultuloy a panagdengngeg inton bigat, Mierkoles, Nobiembre 20.
Basar iti House Committee on Good Government and Public Accountability nga idadauloan ni Manila Rep. Joel Chua, namin-adun a daras a pinatulodanda ti subpoena ni Lopez ngem saan a nagpakpakita iti panagdengngeg ti panel.
Inbatad ni Rep. Jay Khonghun, Vice Chairman ti komite, nakaawat ti impormasion nga agsubli ni Lopez ditoy pagilian manipud idiay Estados Unidos isu a saan a nagatendar iti panagdengngeg iti napalabas a lawas.
Nagballaag met ni Deputy Majority Leader Paolo Ortega V ti La Union nga inkari ni Lopez nga ikkan ti importansia ti imbitasion ti komite kalpasan ti US trip daytoy.
