LAOAG CITY – Inpakaammo ti Samar Provincial Health Office (PHO) ti panagwaras ti Chikungunya iti lugar no sadinno nga iti agdama ket addaan dagitoy ti 259 a kaso.
Addaan ti nairekord ti Basey a 159, Gandara 97, ken Paranas ket 3 met ngem nupay kasta awan ti nairekord a death cases.
Ti kaadoan a kaso ket manipud kadagiti dua a barangays, Barangay Mabini iti Basey with nga addaan ti 128 cases ken Barangay Ngoso idiay Gandara with nga addaan met ti 51 a kaso.
Gapu iti daytoy, nangiyisiyu ti Provincial Health Office (PHO) ti health advisory a mangballaag kadagiti umili mainaig ti panagado ti mosquito breeding sites a masapul ti kanayon a panagdalos, panagikkat ti stagnant a danom, ken panagsanay ti proper waste disposal. Naallukoy pay dagiti bumaranggay a paigetan ti mosquito control measures.
Ti Chikungunya ket maysa a viral disease a makaakar iti babaen ti Aedes mosquitos kasta payen ti dengue ken Zika. Ti simptomas ket pakairamanan ti panaggurigor, panagsakit ti tultulang nga agpaut iti sumagmamano a lawas.
