LAOAG CITY – Pormalen a nangipila ti panangkiddaw ti Chile iti International Court of Justice (ICJ) tapno pagsungbaten ti Israel kadagiti inaramidda a panangraut iti Gaza.
Karaman ti Chile kadagiti pagilian a nangipataw ti genocide kontra iti Israel gapu iti kinaadu dagiti sibilian a pimmusay.
Maipalagip nga idi Disiembre ket indauloan ti South Africa no sadinno simmaruno dagiti pagilian a Nicaragua, Colombia, Mexico, Libya, Palestine ken Spain.
Iti agdama, iyur-urayda pay laeng ti panangaprobar ti International Court of Justice tapno makasali iti nasao a kaso.
Kabayatanna, kinumpirmaran ti International Court a naawatda dagiti applications banag a manarimaan nga ad-adalenda.
