LAOAG CITY – Inrakurak ti Philippine Navy nga agus-usar ti China ti “Marites warfare” tapno pagapaenna dagiti opisial ti gobierno ken mapukaw ti pudno nga isyu ti panangagumda kadagiti teritorio ti Pilipinas iti West Philippine Sea.
Segun ken ni Philippine Navy for West Philippine Sea Spokesman Commodore Roy Vincent Trinidad iti naisayangkat a press briefing ti Bagong Pilipinas, awan ti kinapudnona dagiti ibagbaga ti Chinese embassy iti Pilipinas nga adda ti maipagarup a model ti katulagan iti nagbaetan ti Western Command ken Chinese Diplomats.
Agpada nga awan ti maipagarup a pangibasaran ti rakurak ti Chinese embassy nga addaan ti recorded a panagsarita ti Western Command ken Chinese Diplomats gapu ta karaman daytoy iti disinformation-da.
Kunana a nasken a saan nga agiruar ti impormasion ti China a mangdegdeg iti nakarkaro a situasion.
