LAOAG CITY – Inikkat ti China dagiti 19 nga opisyal da pakairamanan ditoy ti 9 manipod iti military.
Napasamak daytoy sakbay ti kadakkelan nga annual political meeting iti sumaruno a lawas.
Ti nasao nga addang ket inwaragawag ti top legislative body ti China, ti National People’s Congress (NPC) Standing Committee.
Awan ti naipaay a rason no apay a naikkat nasao nga opisyal, ngem napasamak daytoy sumagmamano a lawas kalpasan nga inikkat ni President Xi Jinping ni Zhang Youxia, ti highest-ranking general ken maysa kadagiti nasinged kenkuana a kaalyado na iti military.
Maipalagip a sipud nagturay ni Xi ket inpatungpal na anti-corruption drives, no sadinno nga inawagan na ti korapsyon kas kadakkelan a pangta iti Communist Party.
