LAOAG CITY – Agpada nga inpakita da Russian President Vladimir Putin ken Chinese President Xi Jinping ti panagbalin a naiget nga agkalyado a pagilian.
Adda iti China ti Russian President tapno ipakita iti China ti panagbalin nga asidegda iti tunggal maysa.
Nagtulag pay ti dua a papigsaen iti sektor ti enerhiya, negosio, seguridad ken geopolitics.
Plano pay ti dua a pagilian a mangisayangkat ti regular a military ken combat exercises kas paset ti panagsagsagana iti aniaman a karit ken pangta.
Agpada a kinondenarda ti panangiwayat ti United States military exercises kadagiti sumagmamano a pagilian nga isu ti mangdadael kadagiti sumagmamano a relasion dagiti pagilian.
Ti panagbisita ni Putin iti China ket isu ti kaunaan sipod idi nagtugaw daytoy iti puesto iti maikalikama a termino daytoy iti napalabas a lawas.
