LAOAG CITY – Naibakwit dagiti 110 a ribu a tattao idiay Guangdong, China gapu iti nakaro a mapaspasaran a layus.
Daytoy ket kalpasan ti sumagmamano nga aldaw a panagtudona no sadino addan ti uppat nga indibidual ti pimmusay bayat a 10 ti mapukpukaw.
Mainaig iti daytoy, naammoan a ti nangdegdeg ti panagngato ti lebel ti danum ket gapu iti panaglippias dagiti karayan.
Kabayatanna, naikabil kadagiti shelters dagiti naibakwit a nalayus a residente.
