Inlawlawag ni Chinese Ambassador Jing Quan nga awan pakainaigan ti China iti kontrobersial nga Artificial Intelligence (AI) video nga inwaras ti maysa Chinese state run media kalpasan a nailadawa kas sunggo dagiti Pilipino.
Inpettengna nga aramid daytoy ti media ken saan a ti gobierno.
Kunana a saan a kontrolado ti gobierno ti China ti amin nga aramid dagiti media organization iti pagilianda.
Mainaig iti daytoy, agpanpanawagan ni Jing nga ituloy latta ti Pilipinas ken China ti dayalogo tapno mapatibker ti relasion ti dua a pagilian bayat ti agtultuloy a tension iti West Philippine Sea (WPS).
Segun kenkuana, adda dagiti saan a pagkinnaawatan ti China iti dagiti kabangibang a pagilian ngem mamati daytoy a kasapulan nga ituloy ti dayalogo ken negosasion.
Inbatad pay ti Chinese Ambassador a pagpokusan lattan ti dua a pagilian ti posible a kooperasion iti oil ken gas exploration.
Kabayatanna, kinumpirmaran ni Jing nga agkita da Chinese Foreign Minister Wang Yi ken Foreign Affairs Secretary Ma. Theresa Lazaro iti sidelines ti ASEAN Foreign Ministers’ Meeting tapno talantanen ti isiyu ti dua a pagilian.
