LAOAG CITY – Maysa nga engineer a chinese national nga agkaskassera iti Poblacion 2 iti ili ti Pagudpud ti natakawan.
Daytoy ti kinumpirmaran ni PCapt. Eduardo Santos, ti chief of police ti PNP Pagudpud.
Kuna ni Santos, a nasurok 20,000 a pisos ti natakaw manipod iti chinese national pakiramanan ti passport, nagduduma nga IDs, checkbook, certificate ken importante a dokumento.
Inbatad na a basar iti imbestigasyon ket rumrumuar nga adda ti napuutan na a nag-alarm nagsardang met laeng a dagus.
Gapu iti daytoy, saan nga inpagarop ti chinese national a ti lugan na ti nag-alarm.
Kabayatanna, inpakaamo ni Santos nga adda ti nakitada a martilyo iti uneg ti lugan ken daytoy ti maipagarup a nausar iti pannakabuong ti tawa na.
Iti agdama ket agtultuloy ti naun-uneg nga imbestigasyon dagiti otoridad nangruna iti naan-anay a pannakabigbig iti saan pay a nabirokan a suspek.
