LAOAG CITY – Naarestar ti maysa a Chinese National iti Honolulu International Airport kalpasan a ginandat na nga ipuslit ti maiparit a teknolohiya karaman ti radiation-hardened programmable memory device.
Nabigbig daytoy a ni Feng Yi Lee, 33, agtrabtrabaho iti maysa a kumpanya idiay Hong Kong.
Segun kenni Bombo International Correstpondent Manny Pascua idiay Hawaii, maipatulod ni Lee idiay New Mexico a nakaipilaan ti kaso nga Smuggling Goods Conspiracy and Violation of Export Control Reform Act.
Naamoan a sipsipotan dagiti otoridad ti Amerika iti uneg ti dua a tawen ni Lee no kasano ti panagipuslit na kadagiti maim-imbento ti Estados Unidos.
Ti gobyerno ti China ket maipagarup nga agtaktakaw dagiti partuat wenno imbento ti Amerika babaen iti panangaramat da kadagiti private sector ken opisyal ti gobyerno.
