LAOAG CITY – Kinumpirmaran ni PCapt. Joseph Tayaban, ti hepe ti PNP Badoc a dua nga indibidual a nagusar ti peke nga antigen test result ti natiliw iti border control iti nasao nga ili.
Segun ken ni Tayaban, bayat ti balidasyon nga inwayat dagiti agbanbantay iti border control kadagiti dokumento a masapol iti panagserrek ditoy probsinsya ket dita a naduktalan a peke ti resulta ti antigen nga inpakita dagiti maseknan.
Kuna na nga awan ti stab seal ti nasao a resulta ken nai-scan laeng ti perma ti medical technologist.
Gapu iti daytoy, mapilaan ti kaso a panagsalungasing ti Art. 172 iti Revised Penal Code dagiti maseknan ken posible a mairekomendaran ti 36,000 a pisos a piyansa.
Kabayatanna, naamoan nga agnanaed iti Brgy. Buttong ditoy siudad ti Laoag ti Chinese national nga engineer nu sadino a maysa isuna kadagiti mangripripar kadagiti maipatpatakder a telcos dito probinsya.
