LAOAG CITY – Inpasigurado ni Dr. Rodrigo Catcatan, ti City Health Officer ditoy ciudad ti Laoag nga adda ti umdas a supply ti anti-Pneumonia ken antiflu vaccine.
Segun kenni Dr. Catcatan, dagiti nasao a bakuna ket maited a libre para kadagiti kayatna iti agpabakuna aglalo kadagiti ubbing ken senior citizen.
Inlawlawag na a ti kangrunnan a prayoridad da a bakunaan ti anti-Pneumonia vaccine ket dagiti senior citizen wenno dagiti ubbing idinto nga iti anti flu vaccine ket mabalin a dagiti health care workers.
Kabayatanna, kuna ni Catcatan a kasapolan iti panagbakuna tapno agtalinaed a nasalun-at ti maysa nga indibidual aglalo ket ado dagiti agtaud a nagduduma a sakit kadagitoy panawen.
