LAOAG CITY – Pormal a maiyuswat ti Christmas lighting ti lokal a gobierno ditoy siudad ti Laoag inton Sabado, Disiembre 7.
Segun ken ni Atty. Charito Malicad, mangidadaulo ti Communications and Media Office ditoy siudad ti Laoag, addaan ti tema ti lokal a gobierno a “My Merry Khristmas” kas panangselebrar ti paskua.
Inbatadna a napanunotanda ti nasao a konsepto gapu ta no ania ti wagas a kayat dagiti umili iti panangselebrar ti paskua ket isu ti aramidenda.
Inlawlawagna nga adda ti nagduduma a disenio ti maipatpatakder a Christmas tree nga isu ti manggutigot kadagiti umili tapno bumisita ken mangala ti ladawan.
