LAOAG CITY – Maysa a negosyante manipud iti ili ti Nueva Ejica a ni Ms. Liza Flores, ti agtultuloy ti panaglako da kadagiti parol ditoy siudad ti Laoag, iti laksid dagiti karit, pakairamanan ti epekto dagiti naglabas a bagyo.
Segun ken ni Flores, umaboten iti 7 a tawenen nga ag-asassemble daytoyen ti Christmas Light Parol.
Kinunana no adda ti agbalin a problema iti produkto da ket isuda a mismo ti mangtarimaan iti daytoy a kasapulan ti panagbalin nga artistic ken naannad nangruna ta silaw ken kuryente ti ususarenda iti panagaramid ti parol.
Innayonna nga iti bulan ti Setiembre ket agturong da ditoy siudad tapno agpuesto ken aglako kadagiti parol.
Nupay kasta, kuna ni Flores a narigat ti makailako iti kadaytoy a gundaway no idasig kadagiti napalabas a tawen gapu ta ado pay laeng kadagiti umili ti naapektaram ti naglabas a bagyo a dimmuprak ditoy siudad.
Inbatadna nga adda dagiti gundaway a rumangrang-ay ti negosio, ngem adda met dagiti gundaway a nakapsut ti ganansiada.
Iti laksid daytoy, agtultuloy ti panagtrabahoda gapu ta daytoy ti pangalaan ti pagbiagda.
Kabayatana, inbinglayna a kadagiti mangayat a sumrek iti kapada a negosio ket ti laeng kasapulan ket ti determinasion ken panagananus tapno agballigi iti daytoy.
