LAOAG CITY – Maysa a pamilia idiay Virginia, USA ti naaddaan ti supresa a Christmas tree decoration sumagmamano nga aldaw sakbay ti paskua. Imbes a ni Santa Claus ti bimmaba iti chimney, maysa a naiyaw-awan a barred owl ti nagbalin a bisitada ita nga holiday season.
Basar iti report, simrek ti dakkel a taytayab iti pagtaengan ti pamilia babaen ti chimney-da. Dagus a naallukoy iti Christmas tree-da ken ditoy a nagturong.
Insigida met a timmawag ti pamilia iti Animal Welfare League of Arlington tapno agkiddaw ti tulong.
Iti bidyu, inburay ti nasao a grupo, makita ti kuago nga agliklikos iti pagtaengan.
Simmangpet ni Sgt. Murray ti Animal Welfare League ken nainayad a natiliw ti kuago sakbay a pinaruk-atanna iti natural habitat daytoy.
