LAOAG CITY – Pagan-annaden ti Cybercrime Investigation and Coordinating Center (CICC) ti publiko manipod kadagiti peke a donation drive kalpasan ti idaydayyeg ti magnitude 7.8 a gingined idiay Mindanao, uppat nga aldawen ti napalabas.
Nagballaag ti nasao nga opisina a possible a gundawayan ti sumagmamano a grupo ti pagkasapulan nga ado ti apektado tapno mangipatungpal ti peke a donation drive ken makaukkon ti pondo para iti bukod da nga interest.
Inlawlawag ni Cybercrime Investigation and Coordinating Center Executive Director, Undersecretary Aboy Paraiso, agbalbalin a modus dagiti nasao a grupo ti manggutigot kadagiti donor a mangipaay laeng ti cah imbes nga in-kind donations.
Masansan pay nga usaren dagitoy ti social media tapno makaallukoy ti ad-ado a donor.
Segun ken ni Paraiso, awan met ti iparuk-at a breakdown wenno resibo kadagiti maukkon a donasyon ken no makaukkon dan ti kwarta ket agpukawen dagitoy.
Inbalakad ni Director Paraiso iti publiko, pagpannurayen ti zero trust policy tapno maliklikan a mabiktima dagiti nasao nga scammer.
