LAOAG CITY – Nagpila ti reklamo ni Criminal Investigation and Detection Group (CIDG) chief Police Brigadier General Nicolas Torre III kontra ken ni dati a Presidente Rodrigo Duterte.
Daytoy ket adda ti pakainaign ti nagbalin a pangta ti dati a presidente a papatayen na dagiti senador.
Segun ken ni Torre, ti kaso nga inciting to sedition ken unlawful utterance nga adda ti maiyannatop a pannusa iti Revised Penal Code ket inpila da iti Department of Justice.
Innayon na a kalikagom ti dati a presidente patayen ti 15 a senador isut gapuna nga inpila dan ti kaso iti Department of Circular 20 para iti case build-up ti kaso.
Nailanad iti DC a ti reklamo a naipila iti prosecutors ket dumalan iti “case build-up” sakbay a mangrugi ti preliminary investigation.
Inpetteng pay ti CIDG chief a dagiti nagbalin a rakurak ti dati a presidente ket saan a rumbeng nga itolerate ken saan a rebbeng a pagang-angawan ti panagpapatay.
