LAOAG CITY – Mangipaay ti lokal a gobierno ditoy ciudad ti Laoag babaen ti City Local Civil Registrar ti libre a birth, marriage ken death certificate intono Pebrero 11 ita a tawen.
Daytoy ket mangrugi iti oras ti alas-otso iti bigat agingga iti ala-singko ti malem iti opisina ti Civil Registrar iti Laoag City Hall.
Basar iti lokal a gobierno, napintas daytoy nga addang a rumbeng a gundawayan dagiti umili ditoy ciudad ti Laoag gapu ta saan dan a kasapulan ti aggastos iti panagala da kadagiti napapateg a dokumento.
Kasapulan laeng a mangitugot ken mangipakita ti maysa a valid nga Identification Card wenno ID.
Kabayatanna, ti nasao a programa ket paset paylaeng ti Pamulinawen Festival ken pannakaipaay ti nayun a serbisyo kadagiti umili ditoy ciudad ti Laoag.
