LAOAG CITY – Inpakaammo ni Mr. Hipolito Salva, mangidadaulo ti City Sports and Development Office ditoy siudad ti Laoag a rugiandanton ti mangsanay kadagiti atleta a mangayat a makipaset iti weightlifting.
Segun kenkuana, ti weightlifting ket agbalinton a regular sport iti Region 1 Athletic Association Meet wenno R1AA.
Inbatadna a kasapulan ti panangpili kadagiti atleta a kayatna ti makipartisipar iti nasao a klase ti ay-ayam.
Kunana nga adda ti maiyuswat a try out tapno makita dagiti atletla nga addaan iti abilidad nga agbalin a weightlifter iti masakbayan.
Maipalagip nga indauloan ni Philippines’ first-ever Olympic champion Hidilyn Diaz ti nangisayangkat ti weightlifting demonstration kadagiti atleta ken coach ditoy siudad iti kallabes.
