LAOAG CITY – Agsagsaganan ti City Tourism Office ditoy ciudad ti Laoag para iti umay nga Holy Week.
Segun ken ni Mrs. Mary Jane Leaño, Officer in-charge iti City Tourism Office ditoy ciudad, addan dagiti isagsagana wenno plano da maiyuswat nga aktibidad para iti semana santa.
Inbatad na a maysa ditoyen ti traditional a maar-aramid no Holy week a para kadagiti ubbing ket iti Easter Egg Hunting nga ita ket awagan da ti “Alisto Itlook”.
Inpakaammo na a manamnama a maiwayat daytoy nga aktibidad iti Laoag City Hall, Aurora Park, ken uray kadagiti coastal areas ditoy ciudad ti Laoag.
Kunana nga iti holy week ket ado dagiti tattao nga agturong iti kabaybayan isut gapuna a napintas no maiwayat pay ditoy ti Easter Egg Hunting a paggugusto dagiti ubbing.
Innayon na a nakasagana payen dagiti dadduma pay a lugar a mabalin a pagpasyaran dagiti turista wenno residente ditoy ciudad ken intero a probinsya.
