LAOAG CITY – Inpakaammu ni Dr. Samantha Licudine, ti mangidadaulo ti City Veterinary Office iti ciudad ti Laoag nga ado pay laeng dagiti walang nga aso a makitkita da.
Segun ken Licudine, adda ti dua nga aso nga tamtamingen da ita iti City Veterinary Office, dagitoy ket narescue da manipud ditoy ciudad ti Laoag ken manipud iti ciudad ti Batac.
Ngem no pay kasta, maragsakan isuna gapu ta ado latta dagiti animal lover ditoy ciudad ti Laoag.
Kunana a no adda dagiti aso wenno pusa a nadungpar ket ireport da nga insigida iti City Veterinary Office.
Innayonna nga iti babaen ti kooperasyon dagiti umili ket makaala da kadagiti impormasyon maipapan kadagiti walang nga aso wenno pusa, agraman dagiti mamalmaltrato a dingwen.
Kabayatanna, nagballaag ni Licudine iti publiko nga itrato a kas tao dagiti taraken a dingwen.
