LAOAG CITY – Nakaam-ames ti pannakatay ti estudyante a nangiturong ti motorsiklo idinto a nagsagaba ti ado a sugsugat ti inlubbon na ti napasamak a self-vehicular accident ti Gilbert bridge ditoy ciudad ti Laoag.
Nabigbig ti natay a ni Brixen Andrew Iriveri, agtawen ti 18, 3rd year civil engineering college student, taga Barangay 14 ditoy ciudad ti Laoag idinto a ti inlubbon na a nagsagaba ti sugsugat ket ni Michael Llacuna, agtawen ti 18 ken residente met ti Barangay 1 ti nasao a ciudad.
Segun ken ni PO2 Melmar Antonio iti PNP Traffic Division ti ciudad ti Laoag, aggapo dagiti biktima ti maysa nga aktibidad idiay ciudad ti Batac ken bayat ti panagpapaamyanan a direksyon da ti Gilbert bridge ket maipagarop a napukawan ti kontrol ti panagmaneho ni Iriveri.
Inbatad na a kas resulta ket naidungpar ti motorsiklo a nagluganan dagiti dua ti gutter ken naipurwak ni Iriveri ti railings ti rangtay.
Gapu ti kapigsa ti pannakaipurwan ni Iriveri ti railings ket naburak ti ulo na ken maipagarop a naipurwak pay ti utek na.
