LAOAG CITY – Inpila ni Quezon City 5th District Rep. Patrick Michael Vargas a gagem na ti mangipatakder ti Teen Mom Clinics kadagiti pampubliko nga ospital iti intero a pagilian tapno mangipay kadagiti masikog a menor de edad ken teen mothers ti komprehensibo nga healthcare.
Daytoy ket iti babaen ti House Bill No. 3988, wenno proposed “Adolescent Pregnancy Prevention Act,” no sadinno a ti Department of Health (DOH) ket mangipatakder ti specialized Teen Mom Clinics a mangipaay ti komprehensibo a prenatal, antenatal, ken postnatal care, uray ti postpartum counseling tapno maliklikan ti maulit-ulit a panagsikog.
Ibilbilin pay ti gakat iti Department of Social Welfare and Development (DSWD) nga ipaay ti agdama a residential care facilities para iti disadvantaged women.
Karaman iti expansion ti specialized multidisciplinary teams a bukbuklen ti social caseworkers, on-call obstetrician-gynecologists, full-time midwives o nurses, ken psychologists, nga amin ket nasanay tapno trataren ti nalawa a pagkasapulan dagiti masikog a menor de edad.
Adda pay ti mandato ti gakat iti Department of Social Welfare and Development nga idaulwan na ti pannakaipatakder ti napapigsa a social protection mechanisms kontra iti sexual violence, nga addaan ti nalawag a direksyon ken equipped facilities tapno protehiran dagiti agtutubo a biktima.
