LAOAG CITY – Inbatad ti Commission on Audit (COA) ti manarimaan panagsukisokda iti mabalin a pannakaipila dagiti criminal case kontra kadagiti opisial ti gobierno a nairaman iti pakaseknan maipapan iti maipagarup saan nga umno a panagusar ti Office of the Vice President (OVP) iti confidential ken intelligence funds.
Segun iti dati a COA Commissioner Heidi Mendoza, masapul a tingitingen ti komision ti pannakaipila dagiti criminal case ket saan laeng a malimitaran iti panangipablaak kadagiti notices of disallowance.
Inaramid ni Mendoza daytoy a rakurak bayat ti panagdiskusion ti Senate Impeachment Court iti maipagarup saan nga umno a panagusar ni VP Sara Duterte iti confidential funds-na nga immabot iti P612 millon.
No saan man a maipatungpal daytoy, kinuna ni Mendoza a masapul ti panangbaliw kadagiti guidelines gapu ta nalawag nga adda dagiti sumagmamano a gaps wenno pagkurkuranganna.
Kabayatanna, impanagetget ni Mendoza ti panagsungbat kadagiti saan nga umno panagusar kadagiti confidential fund ket saan laeng a nakadepende kadagiti special disbursing officer no di ketdi uray pay kadagiti head ti state agencies.
