LAOAG CITY – Inrakurak ti Malakanyang a patibkeren ti Commision on Audit (COA) ti disallowance a Php73-M a confidential funds iti Office of the Vice President (OVP) idi 2022 a mangipakpakita ti agtultuloy a panangilungalong ti panagsungbat ti panagusar ti pundo ti gobierno.
Inbatad ni Palace Press Officer Claire Castro a naglikudan ti Commision on Audit ti nairakurak a naurnos ken transparent ti nausar a pundo ti opisina ni Vice President Sara Duterte.
Kunana a napateg ti tignay ti Commision on Audit (COA) ken Money Laundering Council (AMLC) tapno maipasigurado ti panagsungbat ti asinoman a mapaneknekan a naglabsing.
Basar iti report, karaman iti naiyetnag a notice of disallowance ti Php 69.787 million para iti rewards ken Php 3.5 million para iti panaggatang ti equipment.
Nabilin met ti Office of the Vice President nga isublina iti gobierno ti nadakamat a kantidad.
