LAOAG CITY – Naiwayat ti emergency coastal clean-up iti ili a Currimao.
Indauloan dagiti pannakabagi ti gobyerno lokal ti ili a Currimao, Municipal Environment and Natural Resources, Ilocano Youth Non-Government Organization, ken SIRIB Ilokano Kabataan Association Incorporated iti panagdalus kadagiti coastal area.
Maysa kadagiti dinalusan dagiti maseknan ket iti Coral Rock formation kageddan ti earth day itay bulan ti Abril.
Immabot ti 700 a kilo ti basura ti narekobre dagiti maseknan.
Segun kenni Mayor Gladys Cue iti nasao nga ili, daytoy ti kalikagum a masolbar ken maipaayan ti importansya gapu iti kinaadu dagiti basura.
Inbatad na a nasken a kanayun iti panagdalus saan laeng iti coastal areas ngem iti sabsabali pay a lugar ti nasao nga ili.
Innayon na nga agserbi daytoy a balaag ken adal para kadagiti taga Curriamao iti panangsalwad ti aglawlaw.
Immunan a nakaawat ti mayor iti reklamo mainaig kadagiti nagkaiwara a basura iti igid ti baybay.
