LAOAG CITY – Saan a pinalubosan ni Colombian President Gustavo Petro nga ag-landing iti pagilianda ti United States military planes a nagluganan dagiti deported migrants.
Inbatadna a dagiti migrants ket saan a maysa a kriminal a nasken a pagsublien nga addaan ti dignidad ken ilugan iti civilian planes.
Inpettengna nga awatenna dagiti kailianna a nakalugan iti civilian planes a saan a matratrato kas maysa a kriminal.
Gapu iti daytoy, inserra ti United States Embassy iti Colombia ti visa section-da.
Immunan a pinatalaw ti Colombia ti dua nga United States military planes a nakalugan ti sag-80 a migrants.
Kabayatanna, madanagan pay ti Brazil iti panangtrato ti Estados Unidos kadagiti kailianna no sadinno a sumagmamano kadagitoy ket simmangpet iti Manaus a nakaposas dagiti imada.
